Аймгуудад тогтоосон өндөржүүлсэн бэлэн байдлыг 2021 оны гуравдугаар сарын 31 хүртэл сунгах саналыг УОК-оос гаргалаа.
Улсын онцгой комиссын хурал 2020 оны арванхоёрдугаар сарын 27-ны өдөр буюу өнөөдөр цахим хэлбэрээр боллоо.
Хурлаар “Ковид-19”-ийн нөхцөл байдал, бүх нийтийн бэлэн байдлын зэрэгт шилжүүлсэн хугацаанд хийсэн ажил, аймгуудад тогтоосон өндөржүүлсэн бэлэн байдлын зэрэгт шилжүүлсэн хугацааг сунгах зэрэг асуудлыг хэлэлцэв.
Аймгуудад тогтоосон өндөржүүлсэн бэлэн байдлын зэрэгт шилжүүлсэн хугацааг 2020 оны 12 дугаар сарын 31-ний өдрөөс 2021 оны гуравдугаар сарын 31-ний өдрийг дуустал сунгах.
Хилийн бүх боомтоор нэвтрэх зорчигч тээврийн хөдөлгөөнийг 2021 оны гуравдугаар сарын 31-ний өдрийг хүртэл мөн сунгах.
Эм, эмнэлгийн хэрэгсэл, тоног төхөөрөмж, хамгаалах хувцас, бараа материалыг хилээр нэвтрүүлэхийг тухай бүр нь шийдвэрлэх.Улсын Онцгой Комиссын саналыг ирэх Лхагва гарагт болох Засгийн газрын хуралдаанаар эцэслэн шийдвэрлэнэ.2020 оны арванхоёрдугаар сарын 29-ний өдрөөс шинэ он гартал нийслэлд тэг зогсолт хийх тухай нийгмийн сүлжээгээр тархаж байгаа мэдээлэл ямар ч үндэслэлгүй юм.
Эх сурвалж: https://www.facebook.com/Mendsaikhan.z